स्मृतीबनातून-प्रीती(पद्य)
प्रीती
पाहिजे तू होतास तेव्हा
ऐकले हे शब्द जेव्हा
चांदण पाऊस आला
गात्री मुरून गेला
सोबतीस होती मधूरती
गुंफुनी तिच्या हात हाती
मुक्त विचरलो पूनव राती
फुलून गेली गाभुळ प्रीती
लतिकेसम झुलत्या बटांनी
क्षेपूनी कटाक्ष नेत्रांनी
प्राशुनी प्रीत ओठांनी
साधला निर्विकल्प सर्वांगांनी
हे खरे? स्वप्न? की आभास?
उमजूच नये आपणास
पंचप्राण लावूनी पणास
साधणार ना मदनास
नितीन सप्रे,
नवी दिल्ली
nitinnsapre@gmail.com
120423
व्वा मस्त, अप्रतिम
उत्तर द्याहटवावा, प्रीतीच्या दुनियेची लाघवी सफर।
उत्तर द्याहटवाछान आहे कविता