स्मृतीबनातून-मधुमरंद(पद्य)

 मधुमरंद


कानात वाजती जेव्हा मधुमंद सुरेल गाणी

निमिषात जाणतो ही असे कुणाची वाणी


तरळती मनात आठव जणू चांदण्यांचे पुंज

ठेवावे जपून कैसे प्राजक्त फुलांचे कुंज


मानावी चूक कैसी होणे सुवास धुंद

स्वये होऊनी बंदी अलि प्राशितो मरंद


नितीन सप्रे

250323





टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

स्मृतीबनातून - हृदयस्थ

इमेज
हृदयस्थ स्वांत सुखाय कुटुंबातलं शेंडेफळ. सभा, समारंभ, कार्यक्रम, मैफिलीत श्रीफळानं सन्मानित होणारं, भावंडांच्या हृदयस्थ असणारं व्यक्तिमत्त्व म्हणजे हृदयनाथ! हृदयनाथ यांच सांगितिक काम हे प्रामुख्यानं स्वांत सुखाय अशा स्वरूपाचं आहे. कलाकाराला ही पोट असतं यात दुमत असायचं काही कारणच नाही, पण म्हणून कोणताही पूर्णवेळ कलाकार कलेकडे संपूर्ण धंदेवाईक दृष्टिकोनातून पाहू लागला आणि बिनदिक्कत तडजोडी स्वीकारु लागला तर मात्र कला सपक होणं अपरिहार्य असतं. अर्थात ही बाब सर्वच क्षेत्रांना लागू आहे. कलेच्या प्रांतात ती प्रकर्षानं टाळली पाहिजे असं वाटण्याचं कारण, अन्य क्षेत्रात शिक्षण प्रशिक्षणानी योग्यता प्राप्त करता येते, मात्र कलेच्या सिद्धतेसाठी ईश्वरीय अधिष्ठान अधिक महत्त्वपूर्ण ठरतं. रसिकांच्या सुदैवानं हृदयनाथ यांच्या सांगितिक कारकीर्दीत याचं पुरेपूर भान राखलं गेल्याच जाणवतं. हृदयनाथ मंगेशकर यांच्या सुदैवानं मनात आणि गळ्यात स्वरांचा गांगौघ लाभलेल्या कुटुंबात त्यांना जन्म मिळाला, त्यामुळे त्यांची कारकीर्द राजहंसाच्या जलविहारा सारखी डौलदार झाली, बदकाचं पोहणं होण्यापासून बचावली. सहा दशकांची अभिजात कार...
अधिक वाचा

स्मृतीबनातून –झूठे नहीं जूठे नैन

इमेज
झूठे नहीं  जूठे  नैन  चाला वाही सकाळी डोळे उघडले ते समुद्र सपाटी पासून साधारण  11 हजार फूट उंचीवर असलेल्या लेह या हिमालयाच्या कुशीत वसलेल्या छोट्या शहरात. सुदैवाने प्राणवायूची कमतरता तितकीशी जाणवत नव्हती त्यामुळे प्राणपाखरू विचरण करण्यासाठी सज्ज होतं. नाश्ता आटोपून  14 हजार फूट उंचीवरच्या पॅनगोँग लेक वर जाण्यासाठी निघालो.    काही थोड्या अंतरा पर्यंत रस्ता होता. मात्र पुढे बहुतेक मार्गक्रमणा खडकाळ कारवाटे( जर पायवाटे वरून वरून म्हणतो तर कारवाटेवरून का नाही?) झाली.  बाहेर पाहिलं तर सर्वत्र चमकणाऱ्या पांढऱ्याशुभ्र त्रिकोणी टोप्या घातलेली हिमशिखरं स्वागताला उभी होती. अधून मधून क्वचित कुठे दिसणारी खुरटी हिरवी झुडपं सोडली तर  निळशार लख्ख आकाश आणि खाली जणू राखाडी वस्त्र ल्यायलेला खडकाळ भूप्रदेश. उंच पहाडां मधलं वाळवंटच जणुकाही.  प्रवासात संगीताची सोबत आवश्यकच. योगायोग म्हणजे पहाडी वाळवंटातील प्रवासा दरम्यान पठारावरच्या वाळवंटी प्रदेशाच चित्रण असलेल्या लेकीन चित्रपटातील सत्यशील देशपांडे यांच्या आवाजातील  विलंबित ख्याल  ‘ निके घूँघरिया ...
अधिक वाचा

स्मृतीबनातून–भाळणे(पद्य)

इमेज
वाफाळलेल्या कडक फिल्टर कॉफीचे घोट घेत खिडकी बाहेर सुरू असलेला सोनकिरणं आणि पाऊस सरींचा खो खो   पाहत असताना अचानक ही कविता नजरे समोर आली ...  आणि अंतरंगातून दशाक्षरी रूपात प्रकटली... भाळणे   शृंगारावर तुझ्या भाळलो  रेशम भासांवरी भाळलो जवळ नाहीस तू तरीही तव आठवांवरी भाळलो तू मला स्मरले असशील त्या क्षण काळावरी, भाळलो आपुली आहे जिथे कहाणी  अबोल ओठांवरी भाळलो गंधाळले जे तुझ्या प्रीतीने मृदु आभासांवरी भाळलो  स्वप्न असावी भेट आपली स्वप्नील स्वप्नावरी भाळलो नितीन सप्रे 030820251645
अधिक वाचा