स्मृतीबनातून - साठवण(पद्य)
साठवण
डोळ्यात घालूनी डोळे पाहसी का सखे ग
प्रतिमा ती तुझीच दिसणार तुला तिथे ग
आसवांत सुखाच्या कधी तू चिंब भिजली
दुःखाश्रूत कधी तू विरघळून पार गेली
सांभाळू तुला कसे सतत या दोन नेत्री
काळजीत माझा डोळा न लागतो रात्री
डोळ्यात साठवाया दुसरे काहीच नाही
जाऊ नको कुठेही डोळी भरून राही
निकट राखण्यास वसविले डोळी तुला मी
समीप राहशील जरी मिटले डोळे अखेरी
नितीन सप्रे
nitinnsapre@gmail.com
031020231230
सुंदर क
उत्तर द्याहटवातरल भावना साध्या शब्दात व्यक्त झाल्या आहेत या सुंदर रचनेत. फोटो ही बऱ्याच भावना सांगतो..👍👍
उत्तर द्याहटवाखूप सुंदर अतिशय नाजूकपणे भावना व्यक्त केले आहेत
उत्तर द्याहटवा