स्मृतीबनातून–भाळणे(पद्य)
खिडकी बाहेर सुरू असलेला सोनकिरणं आणि पाऊस सरींचा खो खो पाहत असताना अचानक ही कविता नजरे समोर आली...
आणि अंतरंगातून दशाक्षरी रूपात प्रकटली...
भाळणे
शृंगारावरी तुझ्या भाळलो
रेशमी भासांवरी भाळलो
नाहीस तू जवळ तरीही
तुझ्या आठवांवरी भाळलो
तूही मला स्मरले असशील
त्या क्षणकाळावरी, भाळलो
आपुली आहे जिथे कहाणी
निःशब्द ओठांवरी भाळलो
गंधाळले जे तुझ्या प्रीतीने
मृदु आभासांवरी भाळलो
स्वप्न असावी भेट आपली
स्वप्नील स्वप्नावरी भाळलो
नितीन सप्रे
030820251645
मूळ हिंदी कविता जितकी चांगली तितकीच मराठी काव्य रचना अप्रतीम झालीय.
उत्तर द्याहटवात्यातले भाव यातही तितक्याच उत्कटतेने उतरले आहेत.
मित्रवर्य खूपच छान.
मस्त
उत्तर द्याहटवा