स्मृतीबनातून

नाते

उलटून मोठा काळ गेला, भेटला कोणी नाही कधी

ना पुसली ख्याली खुशाली वा कुठला आरोप नाही

मौन मी पाळले जरा, प्रवाही राहीलो काळा सवे

नात्यात ती ओल कैसी, कोरडी होत गेली स्वये

खपल्या का काढीशी तू पुन्हा भरल्या जुन्या घावांवरीच्या

असा अचानक परतून का, तू पुन्हा येऊ लागला

आता न पूर्वीची ती, राहिली हृदयी प्रीत भावना

आता नव्याने माझा कधी, खुलणार नाही हा चेहरा

मनात नाही सल काही, दरवाजे ते घट्ट मिटले

पडता थाप न धावे, नाते असे थकून गेले

जे नाही पूसता आले, एकांती निवांत भेटीत सारे

आता कसे पुसावे तुला, भोवतालच्या शुष्क गर्दीत यारे

नितीन सप्रे

050920251830