निरंजनी स्वर-माणिक पहिली भेट दिनांक,दिवस,महिना आठवत नाही पण ऑक्टोबर १९९१ ते ऑक्टोबर १९९२ या कालावधी दरम्यानची ही घटना. आकाशवाणी भोपाळ मधल्या श्रोता अनुसंधान विभागातली माझ्या पहिल्या नोकरीचा राजीनामा देऊन मी आकाशवाणी मुंबई इथे कार्यक्रम विभागात रुजू झालो होतो. त्या दिवशी सकाळी साडे नऊच्या सुमारास मी नव्या आमदार निवास समोरच्या आकाशवाणी भवनात प्रवेश केला की अलीबाबाच्या गुहेत? असा प्रश्न मला पडला. तिळा तिळा दार उघड न म्हणता अलीबाबाची अफाट संपत्ती असलेली गुहा उघडावी किंवा अल्लादिनचा जादूचा दिवा न घासताही जीन प्रकट व्हावा तशी माझी स्थिती झाली. आत शिरताच सहज म्हणून डावीकडच्या अतिथी कक्षाकडे मान फिरवली. तिथे अगदी सामान्य वेशभूषेत बसलेल्या एका व्यक्ती वर नजर स्थिरावली. त्यांना कुठेतरी पाहिल्या सारखं वाटलं म्हणून मी ही तिथे गेलो. वयाच्या साधारण सहा सात वर्षां पासून आजवर सतत ऐकून मनावर मुद्रित झालेली, ‘अनंता अंत नको पाहू’, ‘अमृताहूनी गोड’, ‘त्या सावळ्या तनुचे’, ‘क्षणभर उघड नयन देवा’, ‘नका विचारू देव कसा’, ‘घन निळा लडिवाळा’, ‘कबिराचे विणतो शेले कौसल्येचा राम’, ‘विजय पताका श्रीराम...
👏👏👏
उत्तर द्याहटवाशब्द तुम्हा प्रिय फार
शब्दांचे तुम्ही जादुगार ll
शब्द कसेही वाकविता
दाखवता त्यांची आर्तता ll
शब्द असती तुमचे गुलाम
तुम्हा माझे लाख प्रणाम ll
©️ माधव मनोहर जोशी.
माधवराव जी आपण केलेल्या कौतुका बद्दल ऋणी आहे. पण शब्द माझे गुलाम नव्हेत तर मीच शब्द दरबारी चा पाणक्या आहे..उत्साह वर्धन केल्या बद्दल धन्यवाद 😊🙏
उत्तर द्याहटवाआणि हो तुम्ही सर्वार्थाने ज्येष्ठ आहात पण त्यामुळे तुम्हाला प्रणाम करण्याचा अधिकार मला आहे तुम्हास नाही. माझा प्रणाम🙏
उत्तर द्याहटवाअहो, नुसते वय वाढल्याने कोणी ज्येष्ठ होत नाही. तुमच्या काव्यातील प्रगल्भता आणि मतितार्थ खरेच अतिशय लोभसवाणा असतो, त्याला मी प्रणाम केला आहे.
हटवानितीनजी नमस्कार शब्दांची तुम्ही बांधलेली पूजा मनापासून आवडली खरं म्हणजे माझ्याकडे शब्दच नाहीत त्याबद्दल काही लिहिण्यासाठी संत तुकाराम महाराजांनी काही वर्षांपूर्वी लिहून ठेवलेला आहे आम्हा घरी धन शब्दांचीच रत्ने शब्दांचीच शस्त्रे यत्न करू शब्दची आमच्या जीवाचे जीवन शब्द वाटून धनलोका तुका म्हणे पहा शब्दचि हा देव शब्दाची गौरव पूजा करू किती सार्थ शब्द वापरलेत महाराजांनी आणि तुम्ही त्याच शब्दांचा आधार घेत शब्दांवरची एक सुंदर कविता आम्हाला पाठवलीत आम्ही ती ऐकली पाहिली वाचली म्हणून चिंतन केलं खूप छान आवडली मनापासून धन्यवाद
उत्तर द्याहटवानितीनजी,
उत्तर द्याहटवातुम्ही
शब्द तालेवार
शब्दच तुमचे असती किंकर
दरवळो सदैव स्मृतीबनातून
आपुल्या शब्दगंधाचा दरवळ
लिहित रहा ,आम्हाला समृद्ध करत रहा