स्मृतीबनातून

मुक्त झंकार  आता मनास काही उर लीच खंत नाही फेसाळ होता समुद्र गेला सुकून तोही गर्दीत माणसांच्या शोधित राहिलो साव सारे बेरके हे खेळले आपापला डाव वाचाळ शहाण्यांनी सगळा अनर्थ केला  अन अर्थ जीवनाचा मौनात दडून गेला धावलो उगाच होतो मागे मृगजळाच्या  उमजले उशिरा तो मार्ग नव्हे सुखाचा बरसल्या मेघा परी मानस रिक्त होता हृदयी झंकार झाला निर्गुण ईश्वराचा विरले आभास हे सत् जागले मनात घुमला स्वर पावरीचा दूर तो वनात  नितीन सप्रे 120320262140

सौंदर्या तू प्राचीचा लालिमा तू गोधूलीचा चंद्रमा जातसा तू कुठेही काळोख होई नाहीसा तूच असशी धुंद मैफलीची तेजस्विता नसता तू कशी सर्वत्र पसरे खिन्नता तू स्वरमयी चांदणे, तू गीताची गेयता  मुग्ध होतात सारे तुझे गायन ऐकता येता तू समोरी कुणी भानावर राहिना  सुधा चषक ओठी अन्य कामना उरेना बघाया तुला जमले लाखों इथे दिवाणे वाटले येवो नशिबी माझ्याच हे चांदणे मनोवेदनेची दूर करण्यास काजळी हृदयी तव स्मृतीची मंद ज्योत तेवावी  नितीन सप्रे 07032026

  काव्या सुदूर रानी प्रभात होता पुष्पामाजी तेज उजळता  प्रसन्न हा दिन   उगवता अधरी आली गोड कविता मनी हासरी स्वप्ने फुलता ​आशेचे हे किरण सांडता  अंबर तांबूस रंग माखता    अधरी आली गोड कविता ​धुंदवारा सुखद गारवा  मृदुलभाव अंगी शहारा नयनी दिसला प्रेम दुजोरा अधरी आली गोड कविता सानकळ्या फुलवंती होता आसमंत गंधाळून जाता  मनमयूर नृत्य करता अधरी आली गोड कविता ​तिजरूपी ध्येय गवसता, नेणीव ती जाणिवेत येता कवेत येता शब्दस्वरूपा अधरी आली गोड कविता नितीन सप्रे nitinnsapre@gmail.com  030320261330