स्मृतीबनातून

भरती आनंदेरई सागर थेके (९) आनंद सागरास आज अशी भरती आली वल्हवा जीवन नौका तुम्ही दृढ राहुनी घ्या लादून नौकेत ती दुःखे सारी निर्धार पार जाण्याचा पातला मृत्यू जरी आनंद सागरास आज अशी भरती आली कोण रे तो मागुती फिरण्यास सांगतो कोण रे तो अशी मनाई करतो उत्सव काळी कोण भयाचे स्मरण करतो भय तुमचे ते आम्ही सर्व जाणतो कुठली ग्रहपीडा अन् कुठला शाप तो? सुखे किनारी का बसून राहण्यास सांगतो? धाडसाने धरा रे शिडाच्या दोऱ्या सर्व गाऊ या मिळून सुरेल गीत पर्व आनंद सागरास आज अशी भरती आली नितीन सप्रे nitinnsapre@gmail.com  010420251645 क्लिक करा – आनंदेरई सागर थेके

मायारूप हृदय माझे तव प्रेमाने ओसंडले कर देवा तुझ्याच मनीचे सारे असता तू सदा अंतरी नेमाने घे हरून खुशाल बाह्यांगी सुखे करुनी नष्ट तहान प्राणाची येथे पिपासेतून मी मुक्त व्हावे असे मग मरूभूमीतही तू घेऊनी जावे तप्त रणात मजसी खुशाल फिरवावे मायेचा जो खेळ तुझा चाललासे  सांगतो तुला मला आवडीचा वाटे व्हावा अश्रूपात तो एक नेत्राने दुजा ओसंडून वाहे अतीव मोदे  सर्वस्व ते गमावून बसलो भासे गवसते दिव्य त्यावेळी अधिक ते लोटसी दूर तव अंकावरूनी कोठे उचलून हृदयी घेणार मजसी खासे  आछे आमार हृदय आछे भरे ११० https://youtu.be/iFtrrZPD-RE?si=i1-c6jgy400Ryg6G नितीन सप्रे nitinnsapre@gmail.com  300520251600

प्रकृती आकाशतळी आलोकीत कमल शतदल पाकळ्यांचा फुलोरा सजला सर्वत्र झाकले निबीड काजळ कृष्णजळ  बैसलो ब्रह्मासम सुवर्ण कोषात  भोवताली अंबुज पसरवी आलोक आकाशात जणू उठल्या लाटा गगनात समीर वाहू लागला चहूदिशा छेडती गीत आलाप थिरकले प्राण नृत्य सर्वत्र कवटाळी मम स्पर्शरूप आकाश  जाहला समीर प्रेमला नभस्पर्श डुंबतो या प्राणसागरी सार्थ दहा दिशांचा पल्लव पसरून धरा मजला अंकी बसवून घेते सकला ती बोलावून अन्न समष्टी देते वाटून गंध गीताने मानस उजळून क्षण काळाशी येथे थांबून अवनीने अपुल्या पदरी घेऊन घेतले मजसी अंकित करून आलोका माझा प्रणिपात घेऊन करून घे मम दोष विहीन मस्तक माझे प्रेमे कराने स्पर्शून लाभो पित्याचे मज आशीर्वचन स्वीकार पवना माझे नमन घ्यावी सकलांची ग्लानी हरून  तनुसी माझ्या तू गोंजारून  द्यावी त्याची अनुभूती करून मृत्तिके तुझेही करितो अर्चन घ्याव्या करून वासनाही हरण सुफलीत करून द्यावे जीवन लाभो परम पित्याचे दर्शन नितीन सप्रे, ठाणे nitinnsapre@gmail.com  3103202516 आकाश तले उठल फुटे  आलोर शतदल(song no 48) क्लिक करा –  आकाश तले उठल फुटे

वैशाख झळा सोशीत रस्त्याच्या दुतर्फा हिरवा चुडा आणि लालीमा ल्यायलेल्या गुलमोहरानं आज सकाळच्या नाशिक प्रवासात चित्तवृत्ती फुलवल्या. कल्पनांना शब्दांची साथ मिळाली आणि… नक्षत्र धारा आठव तुझे फुलविती पारिजात भेटीत अवघा पसरे सुवास पदरवांनी धन्य होती श्रुती सुहास्य मधुमंद गुंगविते मती नेत्रशरांनी सर्वत्र मृदुल घाव अधरांवरी कोवळे पहाट दव  करपाशी तुझ्या अनुभवतो मुक्तता बोलातूनी वाहतो निर्झर गारवा येता भेटीस अधीर चंचला बरसल्या सजल नक्षत्र धारा नितीन सप्रे 100523