स्मृतीबनातून – तू (पद्य)
तू
जाता तू कुठेही काळोख होई नाहीसा
तूच आहे या मैफलीची तेजस्विता
नसता तू तिथे पसरे सर्वत्र खिन्नता
तू स्वरांचे चांदणे, तू गीताची गेयता
धुंद होतात सारे तुझे काव्य ऐकता
असता तू समोरी कुणी भानावर राहिना
चषक ओठी सुधेचा अन्य कशाची कामना?
बघाया तुला जमले इथे लाखों दिवाणे
माझेच मग नावं का बदनाम व्हावे?
हृद वेदनेची दूर करण्यास आता काजळी
मंद दिव्याची ज्योत हृदयी तुझी तेवावी
नितीन सप्रे
07032026
टिप्पण्या
टिप्पणी पोस्ट करा