स्मृतीबनातून – सौंदर्या (पद्य)

सौंदर्य

तू उगवतीचा लालिमा तू गोधूलीचा चंद्रमा

जाता तू कुठेही काळोख होई नाहीसा

तूच असशी धुंद मैफलीची तेजस्विता

नसता तू कशी सर्वत्र पसरे खिन्नता

तू स्वरांचे चांदणे, तू गीताची गेयता 

मुग्ध होतात सारे तुझे काव्य ऐकता

असता तू समोरी कुणी भानावर राहिना 

चषक ओठी सुधेचा अन्य कशाची कामना?

बघाया तुला जमले लाखों इथे दिवाणे

नाव माझेच मग कसे बदनाम झाले?

हृदवेदनेची दूर करण्यास ती काजळी

मंद दिव्याची ज्योत हृदयी तुझी तेवावी

नितीन सप्रे

07032026