स्मृतीबनातून – सौंदर्या (पद्य)

सौंदर्या

तू प्राचीचा लालिमा तू गोधूलीचा चंद्रमा

जातसा तू कुठेही काळोख होई नाहीसा

तूच असशी धुंद मैफलीची तेजस्विता

नसता तू कशी सर्वत्र पसरे खिन्नता

तू स्वरमयी चांदणे, तू गीताची गेयता 

मुग्ध होतात सारे तुझे गायन ऐकता

येता तू समोरी कुणी भानावर राहिना 

सुधा चषक ओठी अन्य कामना उरेना

बघाया तुला जमले लाखों इथे दिवाणे

वाटले येवो नशिबी माझ्याच हे चांदणे

मनोवेदनेची दूर करण्यास काजळी

हृदयी तव स्मृतीची मंद ज्योत तेवावी 

नितीन सप्रे

07032026